Apo Dio Perasaan?!

Ini lanjutan curhat Don waktu itu. Sengajo dak ditulis langsung pas hari H karno lagi esmosi-esmosinyo, takut gek yang keluar malah aib-aib yang dak seharusnyo tekeluar. Jadi, mumpung hari ini ado selo becerito, kebetulan dak esmosi lagi, makonyo Don curhatin bae sekalian. Kan tanggung curhatan waktu tu katek endingnyo :D

Nah, Senin kemaren Don ke kampus. Cuma nak minta tando tangan Kajur. Soalnyo Don sudah mbuletke tekad sesudah rundingan samo Mama dengen Bang Dian. Don nak periode duo bae. Kalo Allah memang dak ngijinin periode satu, ngapoi nak makso-makso minta selipke namo Don, yo kan?

Ce-eS-an Don seneng galo lah, wong kito akhirnyo pacak wisuda bareng (insyaallah) jadi Don semangat jugo, dak sedih lagi.

Sampe jam sepuluh Kajur belum jugo keliatan, Bang Dian sudah jemput. Jadi Don balek ke PMSB. Yo Don pikir dak masalah jugo kalo belum nak periode satu. Kan pacak nyantai, dak nak dikejer-kejer gino. Eh, pas sampe Pakjo, ado sms dari mbak resepsionis. Nanyo mano skripsi Don. Yo Don bales, kan Bapak itu nyuruh Don periode duo bae. Yo sudah periode duo. Dak dibales mbaknyo lagi.

Sorenyo jam limo kurang, ado sms dari staff komunikasi, nyuruh Don daftar saat itulah, fotokopi terus jilid terus kumpul skripsinyo. Helo? Hari terakhir, jam limo pulo disuruh kumpul berkas? Mokasih nian. Don bales bae mirip dengen balesan ke mbak resepsionis. Kan bapak itu sabtu kemaren jelas-jelas ngomong dak pacak bahkan kalo Don dateng ngadep dio senen pun katonyo masih nak periode duo tu la. Jadi sekalian bae dak usah nian. Don mokasih samo mbak staff itu, kan dio sebenernyo nurut perintah bae.

Nah, pas abis magrib, mbak resepsionis sms lagi minta namo pembimbing 1,2 Don. Langsung Don telpon. Tapi dak diangkat-angkat, jadi Don sms panjaaang nian. Intinyo Don dak nak ikut periode duo. Terus mbaknyo bales, katonyo bapak itu yang nyuruh. Nah lo?

Jadi Don telpon lagi mbaknyo. Diangkat. Don jelasin panjang lebar sambil nahan ati, nahan banyu mato. Sedih nian cak dimaen-maenke cak itu. Apo dio perasaannyo cubo? Yang paling dak ngenakke itu mbak resepsionis ngomong kalo bapak itu dak ngeraso pernah ngomongke Don periode duo bae. Apooooo??? Don jelaske samo mbaknyo kalo Aa' Any saksinyo. Trus Don minta tolong jangaaaan nian daftarke Don di periode satu, Don dak bakal dateng.

Aneh... nian. Sori es, dak segalo wong diso dimaen-maenke cak itu. Emang Don budek apo? Emang Don masih TK apo sangkeng dak pacak bedake antara angko duo dengen satu? Plis deh.

Jadi, mbak resepsionis cuma biso ngomong, "Yang sabar ye." Nahan nangis Don jawab, "Iyo." Terus Don tutup telpon sambil ngucapke mokasih.

Abisnyo Don langsung tenangis dewek. Esmosi nian rasonyo. Pikirnyo Don ni maenan apo? Sidang skripsi tu bukan jugo hal yang pacak ditarek ulur selemaknyo. Ado duit yang nak dibayarke, ado berkas-berkas yang nak dikumpulke. Madak'i pulo la tanggal 13 malem malah makso-makso Don ikut periode satu? Bukannyo bapak itu dewek yang la nutup pendaftaran pas tanggal 11 kemaren? Yo sudah, Don kan nurutin omongannyo lah, periode duo yo periode duo.

Huft. Dak abis pikir, ado raso nyesek nian karno di novel perdana Don agek settingnyo make kampus itu, demi apo? Demi cinto. Don tadinyo mikir samo nuliske yang bagus-bagusnyo bae. Lupooo nian kalo ado oknum-oknum yang kadang pacak ngelukoi pemikiran itu. Dan akhirnyo, Don putuske, (insyaallah) Don dak nak nulis dengen setting tempat itu lagi.

Kebetulan, novel keduo Don baru ACC kemaren. Redaksinyo minta sekalian kelengkapan naskah termasuk ucapan terima kasih samo biodata narasi. Dan, Don editlah biodata yang biasonyo Don pake. Tanpa nyantumin namo kampus lagi. Sampe kapan? Yo, paling dak sampe sakit ati Don sedikit terobati.

Dendem?

Idak lah...

Cuma nyesek bae :p