Kecewa itu manusiawi kan ye?
Oke, dak masalah lagi buat Don kapan nak sidang skripsi tu. Mama-papa jugo dak mempermasalahkenyo. Bang Dian jugo. Seluruh keluargo malah mbesakke ati Don. Katonyo 'ambek hikmahnyo bae'. Mungkin emang Don disuruh bareng kawan-kawan yang laen. Mungkin jugo Don disuruh nurunin berat badan dikit biar kebaya wisudanyo muat... hehe.
Mungkin kecewa itu karno seharian kemaren perjuangan Don endingnyo dak ngenakke ati.
Dari pagi sebelum kampus buka, Don sudah tecogok nungguin Pembimbing 1 buat bimbingan terakhir minta ACC sidang. Ini jugo setelah nungguke dari sabtu minggu kemaren dak ketemu-ketemu samo dosennyo. Makan nasi bae idak sangking nak ngurusi skripsi itu.
Dosennyo dateng jam satuan katonyo. Tapi ditunggu-tunggu belum nongol jugo. Akhirnyo Don ajak Aa' makan pempek kapal selem di Mancek. Sebentar cuma, abis itu balik ke parkiran duduk deket Mamang tekwan. Nah, tibo-tibo bapaknyo nongol, la nak ngidupke motor. Artinyo nak balek kan ye? Nyisip dikit be gagal ACC. Untung bapaknyo galak diajak jingok skripsi Don. Ado yang dicoret dikit, terus ACC. Alhamdulillah nian.
Sudahnyo Don naek ke kantor. Nak daftar rencanonyo. Kan katonyo terakhir tanggal 13 agek? Berarti masih sempet kan ye? Sabtu kemaren kan baru tanggal 11, bener dak? Nah, bapaknyo lagi balek. Jadi ngadep mbak resepsionis. Ngasih berkas samo minta slip bayaran. Nak daftar samo dio langsung. Tapi kato si mbak, lemak nunggu bapaknyo nian bae. Oke, akhirnyo nunggu sampe asar.
Jam empat Don samo Aa' naek lagi, ngadep bapaknyo baek-baek. Trus apo katonyo? "Sudah tutup, periode duo bae." Ditunjukkenyo hasil prinan dio. Klop katonyo, padahal siang tadi jelas nian masih corat-coret tambahan namo wong-wong. Kalo dak nak nungguke dio, sudah ditulis dewek namo Don oleh mbak-nyo tu. Masih biso kok.
Pas dio ngomong cak itu. Langsung mati lampu, jlepp... Sukurla, ketikan namo peserta yang dak galak dio tambah lagi itu ilang karno belum di-savenyo. Terus dio tegak, sambil ngoceh-ngoceh ke staff lain ngasih tau kalo ado mahasiswa komunikasi yang dak tau urusan padahal ke kampus terus tapi daftar baru sekarang.
Plis deh, kalo seandainyo suaro Don besak, la Don teriakke kalo mato kuliah la jelas-jelas abis, dak mungkin nian ke kampus terus? Ini jugo baru ke kampus pas duo minggu terakhir untuk nyelesaike skripsi itu. Maksudnyo kalo la beres galo kan baru daftar. La ceto, wong berkas sudah lengkap.
"Yang lain itu daftar dulu, belum ado yang di ACC." Cak itu katonyo. Jadi, yang diprioritaske itu yang berkasnyo belum lengkap? Cak itu? Kalo mereka taunyo dak di ACC oleh pembimbingnyo cakmano? Mereka yang belum pasti dibolehke ikut sidang, sedangke Don yang la beres urusan skripsi disingkirke? Heraaan.
Terus dio nyuruh dateng senin agek. Tapi ujinyo masih periode duo tu la. Untuk apo? Lemak agek be bayaran. Pacak diputerke dulu duet untuk modal.
Bang Dian langsung Don kabari. Dio dak terimo jugo ngapo pacak cak itu. terus abis magrib ditelponnyo ketuo yang asli. Minta penjelasan, tapi samo iyonyo. Malah katonyo kalo cak seminggu atau tigo hari lagi nak sidang nah baru biso bantu. Helloooo? Ini masih seminggu lagi kali!!! Terus, katonyo kalo pembekalan ikut, itu pasti terdaftar. Nah lo, perasaan Don daftar pembekalan samo mbak resepsionisnyo. La bayar pulo. Klo emang Don dak biso dateng, itu karno orderan dadakan bapak itulah, nyelesaike notes pembekalan itu kemarennyo sampe nunda gawe bang Dian yang laen. Akhirnyo pas hari pembekalan, Bang Dian minta tolong bantuin gawe yang tertunda itu. Dan sekarang nyalahke pembekalan? Bagussss.
Padahal waktu awal Mei Don sudah sms resepsionisnyo, nanyo bener-bener kapan terakhir. Tanggal 13 katonyo. Don nitip jugo, masukke Don sidang tanggal 17 bae. Tapi ujungnyo cak ini. Yosudahlah...
Sebenernyo, dari awal Don emang pengen bareng samo kawan-kawan. Berhubung mato kuliah Don abis duluan bae, makonyo Don ikut ngurus-ngurus untuk periode satu. Sebenernyo dalem ati, emang pengen periode duo.
Buat Don dak masalah periode satu apo duo. Toh skripsi sudah di ACC, tinggal kumpul bae. Kalo ikut periode satu, artinyo pas nikah gek sudah sarjana, kalo ikut periode duo biso sarjana samo-samo kawan seperjuangan. Jadi sebenernyo bagus galo. Dan insyaallah dak bakal ngaruh samo rencano nikah. Wong Bang Dian ngomong dak pengen nyantumke gelar di undangannyo agek kok.
Lha terus, ngapo masih kecewa?
Yo idak lagi nah... La lego nian becerito pake bahaso kito ni... hihi.
Kesimpulannyo, besok nak ke kampus lagi. Cuma nak ngadep minta tando-tangan ketuo jurusan. Kalo dio nanyo nak Don ceritoke nasib Don ini. Tapi.... idak nak temohon-mohon minta didaftarke periode satu kalo emang la dak biso. Don emang katek dekeng, tapi kato Bang Dian, dekeng Don itu Allah. Jadi, biar Allah yang nentuke masuk periode berapo. Yo kan? Mohon yang terbaik samo Allah bae, jangan samo manusio.
 |
| Mungkin disuruh bareng mereka ^^ |
Curhatan mahasiswa tingkat akhir. Dokumen pribadi.
3 comments on "Kecewa Tingkat Akhir"
Hmm. Kak Nchaaa, sabar ya... Baca yang terakhir mikirnya sama Kak, GA ADA DEKING... Hmmm. Ya dibuat terlunta-lunta sana-sini, Digantung, sesuka-suka ngundurin.. Tapi semoga sudah lenyap sikap2 seperti itu. Alhamdulillah Aya juga sudah seminar tgl 15 kemaren Kak, daftar sidang dah tutup tgl 10, jadi baru bisa ikut Juni nanti.. Semog Allah mudahkan urusan kita, Aamiin..
Aya tggu undangannya yaaa.... Hee. kalau masih di Palembang, AYA MAU BANGET DATENG KETEMU KAK NCHAAA LANGSUNGGGGGG... ^^,
Semoga, Aya. Nisa juga dah lumayan ikhlas. Mudah-mudahan ini yang terbaiklah :)
Tapi sidang masih bulan 9 nanti, wisuda awal taun, sisip dikit dari target sih :D
Doain urusannya lancar biar cepet ngundang ya :D
Iya kak Nchaaa.. Semoga lancar ya Kak.... in sya Allah yang terbaik.... Semoga cepat ngundang.. aamiin
Post a Comment